1-نطلب من ربي الفتاح يعطيني المفتاح ونحل البيبان ونشوف الهنا ونرتاح
2- عيونك توت وحواجبك ياقوت, انا نحب خليلي واللي حاب يموت يموت
3-هبط لقاع البحر ، فرّشت زربية ، خرجت لي جنية ، قالت لي واش بيك يا بنية ؟ قلت لها راحوا حبابي و خلاوني وحدانية.
4-رشّيت عتبة الباب بالزهر و الطّيب ، وسقيت كل الأحباب بالعسل و الزبيب ، و كى نسيت جاني جواب كنت نستناه من عند البعيد.
5-مدّيت لقاع البير و فرّشت زربية ، حرقست حرقوس ذهب من راسى لوذنية ، فرحي يا يما سعدى زها ..و استشفاي في العدو إلى استشفي فيّ .
6-يا شمس واش بيك ذابلة ، إلا لابيك الزين راني نفكر فيك ، و اذا بيك الزهر ربي ما يتخلي عليك
7-امّنت بالله ، و المنام رؤية من عند الله ، حمامة بيضة جات ترفرف عليّ ، معاها حصان توقّف بين يديّ
8-نبعث لكم دموعى في مشوار زرق ، و نبعث كلامي في برية تحرق ، ما ننساكم يا ناسى بحق مكة و بلاطها لزرق.
9-دارنا في الجبل ، مقابلة مكة ، مفتاحها من ذهب ، يشعل ما يطفي .
10-خرجت نهار الجمعة ، في يدى شمعة ، قالولي أمسحى ذيك الدمعة ، و انساي الخلعة ، قريب يتلموا احبابك و صحابك و يفرحوا معاك الجماعة .
